சனி, 29 நவம்பர், 2014

அற்ப ஆயுசு

             

                                                                 அற்ப ஆயுசு 



2003ல் 36000 பேர்
பணியில் சேர்ந்திட
2013ல் 26104 குறைந்து
பரிதாபமாகி
அரசு கஜானா நிறைத்து
அற்ப ஆயுளில் கரைகிறோம்.
ஆன வரை போராடிட்டோம்
ஆயுசுல பணி நிரந்தரமாவோமா?
எதுவும் நிரந்தரமில்லை
ஏனிந்த உழைப்பாளிக்கு மட்டும்.
மறந்து போனோம் குடும்பத்தினை
மறத்தும் போனோம் வீணாய்
பணமோ அரசியல், அதிகாரிகளுக்கு
பலியோ பணியாளர்களுக்கு








          பார்ப்போம் வா ஒரு கை


பாரில் பிறக்கும் போதே 
கட்சியுடன் பிறக்கவில்லை
சங்கங்களுடன் பிறக்கவில்லை.
வயிற்றோடு தான் பிறந்தோம்.
பணிநிரந்தரமும்
பணி பாதுகாப்பும் பெற
பனியை கிழிக்கும்
ஒளி கதிராய்
ஓடி வா தோழா!
வாரிசுகளுக்காக
விரட்டு சொந்தப்பகையினை
வீறு கொண்டு புறப்படு
வரும் ஆண்டு
பணி நிரந்தரம் பணிநிரந்தரம்
பார்ப்போம் வா ஒரு கை

பணியாளனிடம் நிர்வாகத்தின்
பாச்சா பலிக்காது
பகத்சிங்கின் மறுபிறப்பே
பயமெதற்கு?
பட்டது போதும்
பறந்து வா
இழப்பதற்கு என்ன
இருக்கு இன்னும்
இளைய டாஸ்மாக் ஊழியா
இனியெல்லாம் நமது நாளே
பார்ப்போம் வா ஒரு கை

வ.ஷாஜஹான். திருமங்கலம்.

கருத்துகள் இல்லை: